«Лестер» марказий ҳимоячиси Чаглар Сёюнджю «Атлетико»га ўтишга рози бўлди.

Томонлар ҳамкорлик ҳақида апрель ойида келишиб олган эди. Эслатиб ўтамиз, туркиялик футболчи испан клуби билан 2027 йилгача мўлжалланган шартнома имзолаган ва у июль ойидан кучга киради.

Инсайдер Фабрицио Романонинг янгиланган маълумотларига кўра, 26 ёшли футболчининг расмий трансфери яқин ҳафталарда эълон қилинади - эҳтимол, мавсум якунланганидан сўнг дарҳол.

Чаглар 2018 йилдан буён «Лестер Сити» сафида тўп тепади. Умумий ҳисобда у «тулкилар» сафида 132 та ўйин ўтказиб, 4 та гол урди ва битта голли узатмани амалга оширган.