"Valensiya" matbuot xizmati La Liganing 35-turi doirasidagi o‘yinda "Real" hujumchisi Vinisius Juniorga qarshi o‘z muxlislarining irqiy munosabatdagi xatti-harakatlariga munosabat bildirdi.
"Klubimiz futboldagi har qanday haqoratni qoralaydi. "Real"ga qarshi o‘yinda sodir bo‘lgan voqeadan qayg‘udamiz. Biz nima bo‘lganini tekshirmoqdamiz va aybdorlarga nisbatan qat’iy choralar ko‘ramiz", - deyiladi "Valensiya" klubining rasmiy bayonotida.
Eslatib o‘tamiz, o‘yin "Mestalya" stadionida bo‘lib o‘tdi va "Valensiya"ning 1:0 hisobidagi minimal g‘alabasi bilan yakunlandi.
Bu o‘yindan keyin “ko‘rshapalaklar” turnir jadvalida 13-o‘rinda, “qirollik” klubi esa uchinchi o‘rinda bormoqda.
