"Валенсия" матбуот хизмати Ла Лиганинг 35-тури доирасидаги ўйинда "Реал" ҳужумчиси Винисиус Жуниорга қарши ўз мухлисларининг ирқий муносабатдаги хатти-ҳаракатларига муносабат билдирди.

"Клубимиз футболдаги ҳар қандай ҳақоратни қоралайди. "Реал"га қарши ўйинда содир бўлган воқеадан қайғудамиз. Биз нима бўлганини текширмоқдамиз ва айбдорларга нисбатан қатъий чоралар кўрамиз", - дейилади "Валенсия" клубининг расмий баёнотида.

Эслатиб ўтамиз, ўйин "Месталья" стадионида бўлиб ўтди ва "Валенсия"нинг 1:0 ҳисобидаги минимал ғалабаси билан якунланди.

Бу ўйиндан кейин “кўршапалаклар” турнир жадвалида 13-ўринда, “қироллик” клуби эса учинчи ўринда бормоқда.