"Barselona" hujumchisi Robert Levandovski joriy mavsumdagi o‘yinidan unchalik mamnun emas. Polshalik hujumchi Ispaniya chempionatida 22 ta gol urdi va turnir to‘purarligi uchun kurashda peshqadamlik qilmoqda. Agar barcha musobaqalar haqida gapiradigan bo‘lsak, Robertda jami 30 ta gol bor.
"Barselona" safida birinchi mavsumda 30 ta gol? Shartnomani imzolashdan oldin ikkilanmasdan bunga rozi bo‘lardim. Birinchi mavsum juda qiyin bo‘ldi. Bizni jahon chempionati uchun to‘xtatib qo‘yishdi, bundan tashqari, menda mavsumoldi tayyorgarlik ham bo‘lmadi. Ishonchim komilki, ikkinchi mavsumimda ko‘proq gol uraman", - dedi Levandovski.
