Turinning "Yuventus" klubida o‘ynayotgan argentinalik vinger Anxel di Mariya yaqin orada kelajagi haqida bir qarorga keladi.

Insayder Fabrisio Romanoning so‘zlariga ko‘ra, janubiy amerikalik futbolchining "keksa siyora" bilan muzokaralari boshi berk ko‘chaga kirib qolgan. Di Mariya klubni erkin agent sifatida tark etadi. Anxelga Saudiya Arabistoni klublari qiziqish bildirmoqda, biroq futbolchining o‘zi Yevropa futbolida qolishni istaydi.

35 yoshli yarim himoyachi joriy mavsum Italiyada 24 ta o‘yinda maydonga tushib, 4 ta gol (bir penaltidan) va 4 ta golli uzatmaga mualliflik qilgan.