"Roma" bosh murabbiyi Joze Mourinyo jamoaning kelasi mavsumda A Seriya orqali Chempionlar ligasiga yo‘llanma olish imkoniyatlari haqida o‘z fikrlari bilan o‘rtoqlashdi.

"Men hech qachon Chempionlar ligasiga chiqish maqsadi haqida gapirmaganman, men har doim halol bo‘lishga harakat qilaman. Men tutun sotishni yoqtirmayman. Murabbiylar, futbolchilar, klublar borki, umrlarida faqat bir marta yevrokuboklar finalida o‘ynaydi. Tasavvur qiling, biz ketma-ket ikkinchi marta finalda o‘ynaymiz.

Men uchun bu ajoyib mavsum, chunki har qanday holatda ham bu tarixiy mavsumga aylanadi. Lekin men bu finalni Budapeshtda o‘ynashni xohlayman. Pintu Chempionlar ligasi haqida gapirdi? Bu uning muammolari. Pintu direktor, men esa murabbiyman. Biz juda yaxshi do‘stmiz, lekin fikrlarimiz boshqacha bo‘lishi mumkin.

Biz tarix yaratishga qodirmiz va buni yana takrorlamoqchimiz. Ammo 7 million transfer bilan Chempionlar ligasiga chiqish - bu tarix emas, hatto mo‘’jiza ham emas, balki Rimga borib, Vatikan bo‘ylab sayr qilgan Iso Masihdir», - dedi Mourinyo.

Mavsum tugashiga ikki tur qolganida “Roma” Chempionlar Ligasi zonasidan 4 ochko ortda qolgan holda A Seriyada oltinchi o‘rinni egallab turibdi. Rimliklar 31 may kuni Budapeshtda bo‘lib o‘tgan Yevropa Ligasi finalida “Sevilya”ni mag‘lub etishsa, Chempionlar ligasiga yo‘llanma olishi mumkin.