"Рома" бош мураббийи Жозе Моуриньо жамоанинг келаси мавсумда А Серия орқали Чемпионлар лигасига йўлланма олиш имкониятлари ҳақида ўз фикрлари билан ўртоқлашди.
"Мен ҳеч қачон Чемпионлар лигасига чиқиш мақсади ҳақида гапирмаганман, мен ҳар доим ҳалол бўлишга ҳаракат қиламан. Мен тутун сотишни ёқтирмайман. Мураббийлар, футболчилар, клублар борки, умрларида фақат бир марта еврокубоклар финалида ўйнайди. Тасаввур қилинг, биз кетма-кет иккинчи марта финалда ўйнаймиз.
Мен учун бу ажойиб мавсум, чунки ҳар қандай ҳолатда ҳам бу тарихий мавсумга айланади. Лекин мен бу финални Будапештда ўйнашни хоҳлайман. Пинту Чемпионлар лигаси ҳақида гапирди? Бу унинг муаммолари. Пинту директор, мен эса мураббийман. Биз жуда яхши дўстмиз, лекин фикрларимиз бошқача бўлиши мумкин.
Биз тарих яратишга қодирмиз ва буни яна такрорламоқчимиз. Аммо 7 миллион трансфер билан Чемпионлар лигасига чиқиш - бу тарих эмас, ҳатто мўъжиза ҳам эмас, балки Римга бориб, Ватикан бўйлаб сайр қилган Исо Масиҳдир», - деди Моуриньо.
Мавсум тугашига икки тур қолганида “Рома” Чемпионлар Лигаси зонасидан 4 очко ортда қолган ҳолда А Серияда олтинчи ўринни эгаллаб турибди. Римликлар 31 май куни Будапештда бўлиб ўтган Европа Лигаси финалида “Севилья”ни мағлуб этишса, Чемпионлар лигасига йўлланма олиши мумкин.
