Angliya Premyer Ligasining qoldirilgan 32-turida “Chelsi” 25 may, payshanba kuni “Manchester Yunayted” mehmoni bo‘ldi.

O‘yinning yettinchi daqiqasidayoq “qizil iblislar” futbolchisi Kazemiro hisobni ochdi. Mankunianlarning braziliyalik hujumchisi Antoni jarohat olib maydonni tark etdi. Birinchi bo‘lim so‘ngida Antonio Marsyal hisobni mustahkamladi — 2:0.

72-daqiqada Brunu Fernandesh penaltidan aniq foydalandi va hisobni yirik ko‘rinishga keltirib qo‘ydi. Oradan ko‘p o‘tmay “Chelsi” himoyachisi Uesli Foffananing xatosidan keyin Markus Reshford hisobni 4:0 ga yetkazdi. 89-daqiqada “aristokratlar” hujumchisi Joau Feliks hisobni qisqartirdi.

Mazkur bahsdan so‘ng “Manchester Yunayted”ning ochkolari 72 taga yetdi va uchinchi o‘ringa ko‘tarildi. Jamoa keyingi mavsum Chempionlar Ligasida o‘ynash huquqini qo‘lga kiritdi. “Chelsi” esa 43 ochko bilan 12-o‘rinda bormoqda.

APL, 32-tur bahsi
25 may, payshanba
“Manchester Yunayted” — “Chelsi” 4:1
Gollar: 1:0 — 6 Kazemiro, 2:0 — 45+5 Marsyal, 3:0 — 73, penalti Brunu Fernandesh, 4:0 — 78 Reshford, 4:1 — 89 Feliks.
“Manchester Yunayted”: De Xea, Uan-Bissaka, Varan, Lindelyof, Shou (Malasia, 46), Eriksen (Fred, 70), Kazemiro, Fernandesh (Maktominey, 86), Sancho, Antoni (Reshford, 29), Marsyal (Garnacho, 70).
“Chelsi”: Arrisabalaga, Aspilikueta, Chaloba, Fofana, Xoll, Gallaher (Fofana, 82), Fernandes, Chukvuemeka (Loftus-CHik, 82), Havers (Joau Feliks, 64), Mudrik (Pulishich, 64), Madueke (Ziyosh, 82).
Ogohlantirishlar: Fernandes (75), Malasia (75).