Fransiyaning “Marsel” klubi yarim himoyachisi Ruslan Malinovskiy jamoadagi o‘yinini yuqori baholadi.
“Atalantada 6 oy davomida juda kam o‘ynadim. Menga biroz ritm yetishmasdi, boshqa o‘yinchilar bilan aloqam yo‘q edi. Ehtimol, men o‘zimga haddan tashqari bosim o‘tkazdim.
Ammo “Marsel” katta klub, birdaniga g‘alaba qozonish oson emas. Men yaxshiroq o‘ynay olaman. Lekin men to‘rt oy o‘ynadim. Kelgusi mavsumda to‘liq tayyorgarlik va to‘liq ishonch bilan yaxshiroq o‘ynayman deb o‘ylayman", - deya Malinovskiyning so‘zlarini keltiradi France24.
30 yoshli ukrainalik futbolchi joriy mavsumda “Marsel” safida barcha musobaqalarda 21 ta o‘yinda maydonga tushdi. Uning hisobida 2 ta gol va 1 ta golli uzatma bor.
