"Manchester Siti" yarim himoyachisi Ilkay Gyundogan "Barselona" bilan ehtimoliy transfer borasida muzokaralarni davom ettirmoqda, deya xabar beradi AS.
Manbaga ko‘ra, "Siti" futbolchiga bir yilga yangi shartnoma taklif qilgan, biroq futbolchini bunday shartlar qoniqtirmagan. U uzoq muddatli shartnomani xohlaydi, shuning uchun u boshqa variantlarni ko‘rib chiqmoqda.
Gyundogan kataloniyaliklardan 3 yillik shartnoma so‘ramoqda. "Barselona" yarim himoyachining transferiga ijobiy qaramoqda.
32 yoshli germaniyalik joriy mavsumda barcha musobaqalarda 48 ta o‘yinda maydonga tushib, 9 ta gol urdi va 7 ta golli uzatmani amalga oshirdi.