"Манчестер Сити" ярим ҳимоячиси Илкай Гюндоган "Барселона" билан эҳтимолий трансфер борасида музокараларни давом эттирмоқда, дея хабар беради AS.
Манбага кўра, "Сити" футболчига бир йилга янги шартнома таклиф қилган, бироқ футболчини бундай шартлар қониқтирмаган. У узоқ муддатли шартномани хоҳлайди, шунинг учун у бошқа вариантларни кўриб чиқмоқда.
Гюндоган каталонияликлардан 3 йиллик шартнома сўрамоқда. "Барселона" ярим ҳимоячининг трансферига ижобий қарамоқда.
32 ёшли германиялик жорий мавсумда барча мусобақаларда 48 та ўйинда майдонга тушиб, 9 та гол урди ва 7 та голли узатмани амалга оширди.