Yoshlar o‘rtasidagi Jahon chempionatining ikki guruhida 27 maydan 28 mayga o‘tar kechasi 3-tur bahslari o‘tkazildi.
"C" guruhi peshqadami Kolumbiya so‘nggi turda so‘nggi daqiqalarda urilgan gol evaziga Senegal bilan durang o‘ynadi va 7 ochko bilan 1-o‘rinni egallab, pley-offga yo‘l oldi.
Yaponiya va Isroil jamoalari ikkinchi yo‘llanma uchun kurash olib bordi. Avvaliga yaponlar birinchi bo‘lim so‘ngidagi gol evaziga oldinga o‘tib oldi. Ikkinchi bo‘lim bir o‘yinchi kam bo‘lib qolganiga qaramay Isroil ikkita to‘p kiritib, g‘alabani ilib ketdi. Isroilliklar ikkinchi golni 90+1-daqiqada urishganini ta’kidlash lozim. Yaponiya guruhda 3-o‘rinni egalladi, ammo jamoa nimchorak finalga chiqa olmay qolishi mumkin. Kunchiqar yurt vakillarining taqdiri "E" va "F" guruhlarida 3-tur bahslari yakuniga yetgach aniq bo‘ladi.
Shu tariqa, Isroil 4 ochko bilan 2-o‘rinni qo‘lga kiritdi va 1/8 finalda A guruhida 2-o‘rinni olgan O‘zbekistonga qarshi o‘yin o‘tkazadi. Uchrashuv 30 maydan 31 mayga o‘tar kechasi 02:00 da boshlanadi.
"C" guruhidagi yakuniy vaziyat
| № | Jamoa | O‘yin | G‘alaba | Durang | Mag‘-t | T-F | Ochko | |
|---|---|---|---|---|---|---|---|---|
| 1 |  |
Kolumbiya | 3 | 2 | 1 | 0 | 5-3 | 7 |
| 2 |  |
Isroil | 3 | 1 | 1 | 1 | 4-4 | 4 |
| 3 |  |
Yaponiya | 3 | 1 | 0 | 2 | 3-4 | 3 |
| 4 |  |
Senegal | 3 | 0 | 2 | 1 | 2-3 | 2 |
"D" guruhida Braziliya Nigeriyadan ustun keldi, Italiya esa autsayder Dominikanni mag‘lub etdi.
Yakunda Braziliya, Italiya va Nigeriya 6 taga ochko jamg‘ardi. Qo‘shimcha ko‘rsatkichlar bo‘yicha Braziliya birinchi o‘rinni qo‘lga kiritdi, Italiya esa ikkinchi bo‘ldi. Nigeriya ham eng yaxshi 3-o‘rin egalari qatorida pley-offga chiqishni kafolatladi.
"D" guruhidagi yakuniy vaziyat
| № | Jamoa | O‘yin | G‘alaba | Durang | Mag‘-t | T-F | Ochko | |
|---|---|---|---|---|---|---|---|---|
| 1 |  |
Braziliya | 3 | 2 | 0 | 1 | 10-3 | 6 |
| 2 |  |
Italiya | 3 | 2 | 0 | 1 | 6-4 | 6 |
| 3 |  |
Nigeriya | 3 | 2 | 0 | 1 | 4-3 | 6 |
| 4 |  |
Dominikan | 3 | 0 | 0 | 3 | 1-11 | 0 |
U-20 JCH—2023
3-tur bahslari, 27/28 may
"C" guruhi
Yaponiya — Isroil 1:2
Gollar: 1:0 – 45+1 Sakamoto, 1:1 – 76 Navi, 1:2 – 90+1 Omer.
Chetlatish: Binyamin (68, Isroil).
Kolumbiya — Senegal 1:1
Gollar: 0:1 – 30 Kamara, 1:1 – 90+5 Kortes.
"D" guruhi
Braziliya — Nigeriya 2:0
Gollar: 1:0 – 44 Pedroso, 2:0 – 45+2 Markinyos.
Dominikan — Italiya 0:3
Gollar: 0:1 – 19 Kasadei, 0:2 – Ambrozinyo, 0:3 – 84 Kasadei.
