Himoyachi Etan Pinnok "Brentford" bilan yangi shartnoma imzoladi.
Bu haqda "asalarilar" o‘zlarining rasmiy saytlarida xabar berdi. 29 yoshli yamaykalik futbolchining klub bilan shartnomasi 2027 yilgacha mo‘ljallangan.
"Bu Brentford" uchun ajoyib yangilik va men Etan yana to‘rt yil biz bilan birga bo‘lishidan juda xursandman, muxlislarimiz xursand bo‘lishiga aminman", - dedi bosh murabbiy Tomas Frank.
Joriy mavsumda Pinnok barcha turnirlarni hisobga olgan holda 30 ta o‘yinda qatnashib, ikkita gol urgan. Transfermarkt ma’lumotlariga ko‘ra, futbolchining narxi 12 million yevro.
