Ҳимоячи Этан Пиннок "Брентфорд" билан янги шартнома имзолади.
Бу ҳақда "асаларилар" ўзларининг расмий сайтларида хабар берди. 29 ёшли ямайкалик футболчининг клуб билан шартномаси 2027 йилгача мўлжалланган.
"Бу Брентфорд" учун ажойиб янгилик ва мен Этан яна тўрт йил биз билан бирга бўлишидан жуда хурсандман, мухлисларимиз хурсанд бўлишига аминман", - деди бош мураббий Томас Франк.
Жорий мавсумда Пиннок барча турнирларни ҳисобга олган ҳолда 30 та ўйинда қатнашиб, иккита гол урган. Transfermarkt маълумотларига кўра, футболчининг нархи 12 миллион евро.
