"Arsenal" hujumchisi Bukayo Saka yaqinda o‘z klubi bilan uzoq muddatli shartnoma imzoladi. Futbolchi tovon puli miqdorini shartnomaga kiritishni so‘radi, ammo "kanonirlar" futbolchiga bunday variantni rad etishdi. Bu haqda Daily Mail xabar bermoqda.

21 yoshli Saka amaldagi shartnomasiga ko‘ra, 2027 yilgacha jamoada qoladi. U "kanonirlar" tarbiyalanuvchisi bo‘lib, jamoaga 2008 yilda kelib qo‘shilgan. Joriy mavsumda angliyalik futbolchi barcha musobaqalarda 47 uchrashuvda 14 ta gol urdi va 11 ta golli uzatmani amalga oshirdi.

Angliya Premyer-ligasi yakunlanishiga bir tur qolganida “Arsenal” turnir jadvalida ikkinchi o‘rinni egallab turibdi. “Manchester Siti” 89 ochko bilan turnir g‘olibi bo‘ldi. “Arsenal” so‘nggi turda “Vulverxempton”ga qarshi bahs olib boradi.