"Арсенал" ҳужумчиси Букайо Сака яқинда ўз клуби билан узоқ муддатли шартнома имзолади. Футболчи товон пули миқдорини шартномага киритишни сўради, аммо "канонирлар" футболчига бундай вариантни рад этишди. Бу ҳақда Daily Mail хабар бермоқда.
21 ёшли Сака амалдаги шартномасига кўра, 2027 йилгача жамоада қолади. У "канонирлар" тарбияланувчиси бўлиб, жамоага 2008 йилда келиб қўшилган. Жорий мавсумда англиялик футболчи барча мусобақаларда 47 учрашувда 14 та гол урди ва 11 та голли узатмани амалга оширди.
Англия Премьер-лигаси якунланишига бир тур қолганида “Арсенал” турнир жадвалида иккинчи ўринни эгаллаб турибди. “Манчестер Сити” 89 очко билан турнир ғолиби бўлди. “Арсенал” сўнгги турда “Вулверхэмптон”га қарши баҳс олиб боради.
