Oliver Kan va Hasan Salihamidjich o‘rniga keladigan "Bavariya"ning yangi rahbariyati yarim himoyachi Joshua Kimmixni "Barselona"ga sotmoqchi emas. Bu haqda jurnalist Fabrisio Romano xabar berdi.
Myunxenliklarning avvalgi rahbarlari 28 yoshli Kimmixni "tegib bo‘lmas" futbolchi deb bilishgan va uni kelajakdagi loyihada asosiy o‘yinchi sifatida ko‘rishgan. “Bavariya”ning yangi rahbariyati ham xuddi shunday fikrga amal qilishadi. Shu tariqa, Kimmixni Serxio Busketsning o‘rniga mukammal o‘rinbosar sifatida ko‘rayotgan "Barselona" uni qo‘lga kirita olmaydi.
2015 yildan buyon “Bavariya”da o‘ynab kelayotgan 28 yoshli Kimmix jamoani tark etishi va yangi chaqiruv izlashi avvalroq xabar qilingandi. O‘tgan mavsumda u 47 ta o‘yinda maydonga tushib, 7 ta gol urdi va 11 ta golga assistentlik qildi.