"Chelsi"ning vaqtincha boshqaruvchisi Frenk Lempard Angliya Premyer-ligasining so‘nggi turidan o‘rin olgan o‘yindan so‘ng o‘z fikrlari bilan o‘rtoqlashdi.
“Chelsi” o‘z maydonida “Nyukasl”ni mag‘lub eta olmadi va o‘zining halokatli mavsumini 1:1 hisobida durang bilan yakunladi. “Ko‘klar” bor-yo‘g‘i 44 ochko bilan 12-o‘rinni band etdi.
"O‘ylashimcha, biz bugun g‘alaba qozonishimiz kerak edi, ammo "Nyukasl" jazolashi mumkin bo‘lgan juda xavfli raqib.
Muxlislar bilan xayrlashish yoqimli bo‘ldi, ularni juda qadrlayman. Men kelganimda qanday og‘ir ahvolga tushib qolganimizni hamma tushunadi. Biz kutilgan natijalarga erishmadik, bu haqiqat. Men klub bilan aloqadaman va yana ko‘p marta qaytaman", - deya Lempard so‘zlarini keltirmoqda BBC.
