Yakshanba kuni "Chelsi" mavsumning so‘nggi o‘yinini o‘tkazdi.

"Nyukasl" bilan bahs (1:1) tugaganidan so‘ng yarim himoyachi N'Golo Kantega muxlislardan biri tribunadan: "Kante, kelasi mavsumda ko‘rishguncha", deb baqirdi.

"Ko‘ramiz", - deb javob qaytardi Kante muxlisga.

Amaldagi shartnoma N'Golo Kanteni "Chelsi" bilan iyun oyi oxirigacha bog‘laydi. 32 yoshli fransiyalik futbolchi London klubida 2016 yilning yozidan buyon to‘p tepmoqda.

O‘shandan beri u 269 ta rasmiy o‘yinda maydonga tushib, 13 ta gol urgan va 16 ta golli uzatmani sheriklariga bergan.

"Chelsi" bu mavsumni atigi 12-o‘rinda yakunladi.