Madridning “Real” klubi hujumchi Karim Benzemaga hafta oxirigacha vaqt berdi, hujumchi kelajagi haqida qaror qabul qilishi kerak. Jurnalist Tomas Gonsales-Martenning so‘zlariga ko‘ra, fransiyalik futbolchining shu hafta oxirigacha o‘ylashga vaqti bor.
Eslatib o‘tamiz, avvalroq Benzema "Real" bilan shartnomani uzaytirish borasidagi fikrini keskin o‘zgartirgani haqida xabar berilgan edi, garchi u avvalroq rahbariyatga yangi shartnomaga imzo qo‘yishga va’da bergan bo‘lsa ham. Gap shundaki, Karim Saudiya Arabistonidan ikki yil davomida 200 million yevrolik maosh bilan taklif olgan. Matbuotda Benzema "Real"ni tark etishga yaqin qolgani haqida mish-mishlar tarqalmoqda.
“Qaymoqranglilar” rahbariyati Karimdan tezroq qaror qabul qilishni, u ketgan taqdirda yangi forvard izlash ishlarini kuchaytirishni istamoqda.
