Мадриднинг “Реал” клуби ҳужумчи Карим Бенземага ҳафта охиригача вақт берди, ҳужумчи келажаги ҳақида қарор қабул қилиши керак. Журналист Томас Гонсалес-Мартеннинг сўзларига кўра, франциялик футболчининг шу ҳафта охиригача ўйлашга вақти бор.
Эслатиб ўтамиз, аввалроқ Бензема "Реал" билан шартномани узайтириш борасидаги фикрини кескин ўзгартиргани ҳақида хабар берилган эди, гарчи у аввалроқ раҳбариятга янги шартномага имзо қўйишга ваъда берган бўлса ҳам. Гап шундаки, Карим Саудия Арабистонидан икки йил давомида 200 миллион евролик маош билан таклиф олган. Матбуотда Бензема "Реал"ни тарк этишга яқин қолгани ҳақида миш-мишлар тарқалмоқда.
“Қаймоқранглилар” раҳбарияти Каримдан тезроқ қарор қабул қилишни, у кетган тақдирда янги форвард излаш ишларини кучайтиришни истамоқда.
