Ozarboyjonning Boku shahrida bo‘lib o‘tayotgan taekvondo WT bo‘yicha jahon chempionatining ayollar o‘rtasida 63 kg. vazn toifasida hamyurtimiz Svetlana Osipova finalgacha yetib borgani haqida ma’lumot bergandik.

O‘zbekistonlik sportchi hozirgina chempionlik uchun turkiyalik Nafiya Kushga qarshi dayanga chiqdi. Birinchi bo‘limda hisob ochilmadi, ammo ustunlik raqib sportchisiga berildi.

Ikkinchi bo‘limda esa Osipova faollikni oshirib, so‘nggi soniyalarda qo‘lga kiritilgan ochkolar evaziga 11-6 hisobida g‘alaba qozondi.

Uchinchi bo‘limda esa Svetlana ikki marta boshidan zarba o‘tkazib yuborishi natijasida hisobni qisqartirish uchun harakat qildi. Ammo buning uchun vatandoshimizga vaqt yetmay qoldi — 4-7.

Shu tariqa, o‘tgan yilgi JCHda oltin medalni qo‘lga kiritgan Osipova bu safar kumush medal bilan cheklandi.