Angliyalik sobiq futbolchi, "Inter Mayami"ning hammuallifi Devid Bekxem jamoa bosh murabbiyi Fil Nevillning iste’fosi haqida gapirdi.

"Fil o‘z ishida aql bovar qilmaydigan tirishqoqlik ko‘rsatdi. U klubimiz rivojiga haqiqiy hissa qo‘shgan, ammo futbolda ba’zida qiyin qarorlar qabul qilishga to‘g‘ri keladi. Biz nimanidir o‘zgartirish kerakligini his qildik. Men Filga mashaqqatli mehnati uchun shaxsan minnatdorchilik bildirmoqchiman", - dedi Bekxem klub rasmiy saytiga.

Fil boshchiligida "Inter Mayami" 2021 yilning yanvaridan beri ishlab kelayotgandi. Uning qo‘l ostida Florida jamoasi 90 ta o‘yin o‘tkazib, 36 tasida g‘alaba qozongan, 11 marta durang o‘ynagan va 43 marta mag‘lubiyatga uchragan.