Angliya kubogi finali doirasida «Manchester Siti» va «Manchester Yunayted» jamoalari o‘rtasida uchrashuv bo‘lib o‘tdi.

"Shaharliklar" yarim himoyachisi Ilkay Gyundogan bahsning 14-soniyasida raqib darvozasini ishg‘ol etib, musobaqa tarixida urilgan eng tezkor gol muallifiga aylandi.

Uchrashuvning 33-daqiqasida esa "Siti" darvozasi tomon penalti belgilandi. Brunu Fernandesh uni golga aylantirib, hisobni tenglashtirdi.

Ikkinchi bo‘lim boshida Ilkay Gyundogan o‘z hisobiga yana bir gol yozdi. Uning jarima maydoni tashqarisidan unchalik kuchli bo‘lmagan yo‘llangan zarba natijasida to‘p "MYU" darvozasi burchagiga kirib ketdi.

Ilkay "xet-trik" muallifiga aylanishi ham mumkin edi, ammo uning uchinchi gol ofsayd tufayli bekor qilindi. Erik ten Xag jamoasi o‘yin oxiriga qadar vaziyatni o‘zgartirishga harakat qildi, bir vaziyatda to‘p to‘singa tegib qaytdi. Ammo "MYU"ga boshqa gol urish nasib etmadi.

Shu tariqa, "Manchester Siti" Angliya chempionligidan keyin Angliya kubogini ham qo‘lga kiritdi. Jamoa 10 iyun kuni Yevropa chempionlar ligasi finalida "Inter"ga qarshi maydonga chiqadi.

Angliya kubogi, Final
Manchester Siti – Manchester Yunayted 2:1 (1:1, 1:0)
Gollar: 1:0 – 1 Gyundogan, 1:1 – 33, penalti Brunu Fernandesh, 2:1 – 51 Gyundogan.
Manchester Siti – Ortega, Uoker (Laport, 90), Ruben Diash, Akanji, Stounz, Gyundogan, de Bryuyne (Foden, 76), Grilish (Ake, 89), Bernardu Silva, Rodri, Xoland.
Manchester Yunayted – De Xea, Uan-Bissaka, Varan, Lindelef (Maktominey, 83), Shou, Eriksen (Garnacho, 62), Kazemiro, Fred, Brunu Fernandesh, Sancho (Vegorst, 78), Reshford.
Ogohlantirishlar: Uan-Bissaka (45), Fred (79), Ortega (81), Rodri (90).