Англия кубоги финали доирасида «Манчестер Сити» ва «Манчестер Юнайтед» жамоалари ўртасида учрашув бўлиб ўтди.

"Шаҳарликлар" ярим ҳимоячиси Илкай Гюндоган баҳснинг 14-сониясида рақиб дарвозасини ишғол этиб, мусобақа тарихида урилган энг тезкор гол муаллифига айланди.

Учрашувнинг 33-дақиқасида эса "Сити" дарвозаси томон пенальти белгиланди. Бруну Фернандеш уни голга айлантириб, ҳисобни тенглаштирди.

Иккинчи бўлим бошида Илкай Гюндоган ўз ҳисобига яна бир гол ёзди. Унинг жарима майдони ташқарисидан унчалик кучли бўлмаган йўлланган зарба натижасида тўп "МЮ" дарвозаси бурчагига кириб кетди.

Илкай "хет-трик" муаллифига айланиши ҳам мумкин эди, аммо унинг учинчи гол офсайд туфайли бекор қилинди. Эрик тен Хаг жамоаси ўйин охирига қадар вазиятни ўзгартиришга ҳаракат қилди, бир вазиятда тўп тўсинга тегиб қайтди. Аммо "МЮ"га бошқа гол уриш насиб этмади.

Шу тариқа, "Манчестер Сити" Англия чемпионлигидан кейин Англия кубогини ҳам қўлга киритди. Жамоа 10 июнь куни Европа чемпионлар лигаси финалида "Интер"га қарши майдонга чиқади.

Англия кубоги, Финал
Манчестер Сити – Манчестер Юнайтед 2:1 (1:1, 1:0)
Голлар: 1:0 – 1 Гюндоган, 1:1 – 33, пенальти Бруну Фернандеш, 2:1 – 51 Гюндоган.
Манчестер Сити – Ортега, Уокер (Лапорт, 90), Рубен Диаш, Аканжи, Стоунз, Гюндоган, де Брюйне (Фоден, 76), Грилиш (Аке, 89), Бернарду Силва, Родри, Холанд.
Манчестер Юнайтед – Де Хеа, Уан-Биссака, Варан, Линделеф (Мактоминей, 83), Шоу, Эриксен (Гарначо, 62), Каземиро, Фред, Бруну Фернандеш, Санчо (Вегорст, 78), Рэшфорд.
Огоҳлантиришлар: Уан-Биссака (45), Фред (79), Ортега (81), Родри (90).