Dortmundning "Borussiya" klubini erkin agent sifatida tark etgan portugaliyalik himoyachi Rafael Gerreyru "Bavariya"ga o‘tmoqda. Bu haqda Sky Sports jurnalistlari xabar bermoqda.

Oxirgi bir necha kun ichida Germaniya chempioni 29 yoshli lateral bilan muzokaralarda sezilarli muvaffaqiyatga erishdi. Gerreyruning transferiga shaxsan Dortmundda portugaliyalik bilan birga ishlagan bosh murabbiy Tomas Tuxel qiziqmoqda.

Rafael 2016 yildan beri "Borussiya" safini himoya qilib kelmoqda edi. O‘tgan mavsumda futbolchi barcha musobaqalarda 36 ta o‘yinda qatnashib, 6 ta gol urdi va 14 ta golli uzatmani amalga oshirdi.