Дортмунднинг "Боруссия" клубини эркин агент сифатида тарк этган португалиялик ҳимоячи Рафаэль Геррейру "Бавария"га ўтмоқда. Бу ҳақда Sky Sports журналистлари хабар бермоқда.
Охирги бир неча кун ичида Германия чемпиони 29 ёшли латерал билан музокараларда сезиларли муваффақиятга эришди. Геррейрунинг трансферига шахсан Дортмундда португалиялик билан бирга ишлаган бош мураббий Томас Тухель қизиқмоқда.
Рафаэль 2016 йилдан бери "Боруссия" сафини ҳимоя қилиб келмоқда эди. Ўтган мавсумда футболчи барча мусобақаларда 36 та ўйинда қатнашиб, 6 та гол урди ва 14 та голли узатмани амалга оширди.