Fransiya terma jamoasi va Myunxenning “Bavariya” klubi himoyachisi Benjamen Pavar Bundesliganing boshqa jamoasi safiga o‘tishi mumkin.
Sky Sports Deustchland xabariga ko‘ra, Dortmundning "Borussiya" klubi o‘zini 27 yoshli futbolchiga da’vogar deb his qilmoqda. "Asalarilar" futbolchining yozgi transfer oynasida jamoasini o‘zgartirish niyatidan xabar topganidan keyin futbolchi bilan muzokaraga kirishgan. Tomonlar o‘rtasidagi muloqot ijobiy tarzda amalga oshirildi.
Benjamen 2019 yilning iyulidan beri "Bavariya"da to‘p suradi. Uning shartnomasi 2023/2024 yilgi mavsum oxirigacha mo‘ljallangan, transfer narxi esa 35 million yevroni tashkil qiladi.