Франция терма жамоаси ва Мюнхеннинг “Бавария” клуби ҳимоячиси Бенжамен Павар Бундеслиганинг бошқа жамоаси сафига ўтиши мумкин.
Sky Sports Deustchland хабарига кўра, Дортмунднинг "Боруссия" клуби ўзини 27 ёшли футболчига даъвогар деб ҳис қилмоқда. "Асаларилар" футболчининг ёзги трансфер ойнасида жамоасини ўзгартириш ниятидан хабар топганидан кейин футболчи билан музокарага киришган. Томонлар ўртасидаги мулоқот ижобий тарзда амалга оширилди.
Бенжамен 2019 йилнинг июлидан бери "Бавария"да тўп суради. Унинг шартномаси 2023/2024 йилги мавсум охиригача мўлжалланган, трансфер нархи эса 35 миллион еврони ташкил қилади.