"Barselona" bosh murabbiyi Xavi Ernandes jamoaning bo‘lajak yevromavsumdagi maqsadlari haqida gapirdi.
O‘tgan mavsumda "ko‘k-anorranglilar" Chempionlar ligasida muvaffaqiyatsizlikka uchradi, guruh bosqichidan o‘ta olmadi va keyin "Manchester Yunayted"ga Yevropa Ligasi pley-off bosqichida mag‘lub bo‘ldi.
"Barselona" Yevropa ligasi uchun yaratilmagan - bu klub Chempionlar ligasida o‘ynashi zarur. Yozda yaxshi ishlarni amalga oshirsak, kuchli darajada raqobatbardosh bo‘lamiz.
Maqsadimiz hech bo‘lmaganda Chempionlar ligasida g‘alaba qozonishga harakat qilish, raqobatbardosh bo‘lishdir.
Yevropa ligasi muxlislarimiz yoki futbolchilarimiz orasida ishtiyoq uyg‘otmaydi va men jamoaga endi bu turnirda o‘ynamasligimiz kerakligini aytganman", - dedi Xavi.
