“Al-Ittihod” hujumchisi Karim Benzema nima uchun faoliyatini Saudiya Arabistonida davom ettirishga qaror qilganini tushuntirdi.
“Bu ajoyib klubning bir qismi bo‘lganimdan o‘zimni yaxshi his qilaman va baxtiyorman. Ochig‘i, bu men uchun yangi sinov, yangi hayot. Nega "Al-Ittihod"ni tanladim? Chunki u Saudiya Arabistonining eng yaxshi jamoalaridan biri.
Bu ehtirosli muxlislar tomonidan qo‘llab-quvvatlanadigan sovrinlarga ega klub. Nima uchun Saudiya Arabistoni? Chunki men musulmonman, Arabiston esa musulmon davlati. Men shu yerda yashashni xohlardim. Men Madridda hamma narsada g‘alaba qozondim va u yerda o‘ynaganimdan faxrlanaman.
Endi umid qilamanki, yangi klubda davom eta olaman va birinchi navbatda sovrinlar yuta olaman. Men sovrinlarni yutishni yaxshi ko‘raman. Bu men uchun yangi bob va men bu jamoani ancha yuqorida bo‘lishiga qaramay, yana-da yuqoriga ko‘tarishni xohlayman", - deya Benzemaning so‘zlarini keltiradi jurnalist Janluka Di Marsio.
