“Ал-Иттиҳод” ҳужумчиси Карим Бензема нима учун фаолиятини Саудия Арабистонида давом эттиришга қарор қилганини тушунтирди.
“Бу ажойиб клубнинг бир қисми бўлганимдан ўзимни яхши ҳис қиламан ва бахтиёрман. Очиғи, бу мен учун янги синов, янги ҳаёт. Нега "Ал-Иттиҳод"ни танладим? Чунки у Саудия Арабистонининг энг яхши жамоаларидан бири.
Бу эҳтиросли мухлислар томонидан қўллаб-қувватланадиган совринларга эга клуб. Нима учун Саудия Арабистони? Чунки мен мусулмонман, Арабистон эса мусулмон давлати. Мен шу ерда яшашни хоҳлардим. Мен Мадридда ҳамма нарсада ғалаба қозондим ва у ерда ўйнаганимдан фахрланаман.
Энди умид қиламанки, янги клубда давом эта оламан ва биринчи навбатда совринлар юта оламан. Мен совринларни ютишни яхши кўраман. Бу мен учун янги боб ва мен бу жамоани анча юқорида бўлишига қарамай, яна-да юқорига кўтаришни хоҳлайман", - дея Бенземанинг сўзларини келтиради журналист Жанлука Ди Марцио.
