"Feyenoord" klubida o‘ynayotgan hujumchi Santyago Ximenes faoliyatini Ispaniya La Ligasining top-klubida davom ettirish imkoniyatiga ega. Bu haqda insayder Ekrem Qonur ijtimoiy tarmoqlar orqali ma’lum qildi.
Jurnalistning ma’lum qilishicha, hujumchiga Madridning "Atletiko" klubi qiziqish bildirmoqda. "Matraschilar" rahbariyati joriy transfer oynasida futbolchini qo‘lga kiritishga harakat qiladi.
O‘tgan mavsumda Ximenes Rotterdam jamoasi safida 45ta o‘yinda qatnashib, 23ta gol va 3ta golga assistentlik qilgan.
