Matbuotda Massimiliano Allegri "Al-Hilol" bosh murabbiyi bo‘lishi mumkinligi haqida ma’lumotlar paydo bo‘ldi. Biroq, Saudiya klubining ayrim muxlislari italiyalik murabbiyga qarshilik ko‘rsatishmoqda.
La Gazzetta dello Sport nashrining yozishicha, ijtimoiy tarmoqlarda "Allegri, kerakmas" xeshtegining arabcha versiyasi ommabop bo‘lib ketishga ulgurdi.
Shu bilan birga, avvalroq Allegrining agenti mutaxassis "Yuventus"da faoliyatini davom ettirishini ma’lum qilgandi.
Eslatib o‘tamiz, "Yuventus" 10 ochkoni olib tashlagani uchun Italiya chempionatida ettinchi o‘rinni egallagan edi. Kelgusi mavsumda "keksa sinyora" Konferensiyalar Ligasida A Seriya sharafini himoya qiladi.
