Матбуотда Массимилиано Аллегри "Ал-Ҳилол" бош мураббийи бўлиши мумкинлиги ҳақида маълумотлар пайдо бўлди. Бироқ, Саудия клубининг айрим мухлислари италиялик мураббийга қаршилик кўрсатишмоқда.
La Gazzetta dello Sport нашрининг ёзишича, ижтимоий тармоқларда "Аллегри, керакмас" хэштегининг арабча версияси оммабоп бўлиб кетишга улгурди.
Шу билан бирга, аввалроқ Аллегрининг агенти мутахассис "Ювентус"да фаолиятини давом эттиришини маълум қилганди.
Эслатиб ўтамиз, "Ювентус" 10 очкони олиб ташлагани учун Италия чемпионатида эттинчи ўринни эгаллаган эди. Келгуси мавсумда "кекса синьора" Конференциялар Лигасида А Серия шарафини ҳимоя қилади.
