Joau Kanselu faoliyatini "Arsenal"da davom ettirishi mumkin.

Football Transfers nashri xabariga ko‘ra, "kanonirlar" va "Manchester Siti" o‘rtasidagi muzokaralar ijobiy ketmoqda.

"Manchester Siti" 29 yoshli Kanselu uchun taxminan 45 million funt (deyarli 53 million yevro) talab qilmoqchi. "Arsenal" 35 million funtlik (deyarli 41 million yevro) taklif bilan chiqishga tayyorlanmoqda. "To‘pchilar" va "shaharliklar"” hali ham til topishib qolishlari ehtimoli bor.

Eslatib o‘tamiz, Kanselu 2022/2023 yilgi mavsumning ikkinchi qismini "Bavariya"da ijara asosida o‘tkazgan.