“Manchester Siti” bosh murabbiyi Xosep Gvardiola murabbiylik faoliyatidagi 35-kubogini qo‘lga kiritdi.
10 iyun kuni “Siti” Chempionlar ligasining 2022/23 yilgi mavsumi finalida “Inter”ni 1:0 hisobida mag‘lub etdi.
MisterChip xabariga ko‘ra, murabbiylik sovrinlari soni bo‘yicha 52 yoshli Gvardiola Mircha Lucheskuga yetib oldi va ruminiyalik mutaxassis bilan ikkinchi o‘rinni bo‘lishib turibdi. Shu bilan birga, ispaniyalikning murabbiylik faoliyatini boshlaganiga 14 yil bo‘ldi, Luchesku esa 42 yildan beri murabbiylik qilmoqda.
Murabbiylar o‘rtasidagi unvonlar soni bo‘yicha rekordchi - Ser Aleks Fergyuson - faoliyatining 39 yilida 49 ta sovrin.
Chempionlar ligasidagi g‘alabalar soni bo‘yicha Gvardiola Zinedin Zidanga yetib oldi (3). Undan murabbiylar orasida faqat Karlo Anchelotti (4) ko‘proq YECHLni yutgan.
