"Real" yarim himoyachisi Luka Modrich Karim Benzemaning ketishi haqidagi savolga javob qaytardi.
Fransiyalik futbolchi "Real"dagi 14 yillik faoliyatidan so‘ng Saudiyaning "Al-Ittihod" klubiga o‘tishga qaror qildi.
"Aytganimdek, Benzema "Real"ni tark etganidan juda afsusdaman", - dedi Modrich Xorvatiya terma jamoasining Millatlar ligasi doirasida Niderlandiyaga qarshi o‘yinidan oldingi matbuot anjumanida. "Karim - ajoyib futbolchi, lekin har kimning o‘z yo‘li bor, har kim o‘zi to‘g‘ri deb hisoblagan narsani qiladi va u bu o‘zi uchun eng yaxshisi deb qaror qildi. Biz undan minnatdormiz va omad tilaymiz", - dedi 37 yoshli xorvatiyalik futbolchi.
