"Реал" ярим ҳимоячиси Лука Модрич Карим Бенземанинг кетиши ҳақидаги саволга жавоб қайтарди.
Франциялик футболчи "Реал"даги 14 йиллик фаолиятидан сўнг Саудиянинг "Ал-Иттиҳод" клубига ўтишга қарор қилди.
"Айтганимдек, Бензема "Реал"ни тарк этганидан жуда афсусдаман", - деди Модрич Хорватия терма жамоасининг Миллатлар лигаси доирасида Нидерландияга қарши ўйинидан олдинги матбуот анжуманида. "Карим - ажойиб футболчи, лекин ҳар кимнинг ўз йўли бор, ҳар ким ўзи тўғри деб ҳисоблаган нарсани қилади ва у бу ўзи учун энг яхшиси деб қарор қилди. Биз ундан миннатдормиз ва омад тилаймиз", - деди 37 ёшли хорватиялик футболчи.
