Dortmundning "Borussiya" klubi "Valyadolid"ning o‘ng qanot himoyachisi Ivan Fresneda transferi bo‘yicha muzokaralarda muvaffaqiyatga erishdi. Bu haqda insayder Toni Xuanmarti ijtimoiy tarmoqlarda ma’lum qildi.
Dortmundning "Borussiya"si 18 yoshli Fresnedani anchadan beri kuzatib kelmoqda va ispaniyalikni himoyaning o‘ng qanotini mustahkamlash uchun ustuvor nomzod deb hisoblaydi. Oldinroq Ivanga "Barselona" qiziqish bildirgani xabar qilingandi, ammo "ko‘k-anorranglilar" hali transfer bo‘yicha aniq qadamlar qo‘ygani yo‘q.
Fresnedaning “Valyadolid” klubi mavsum yakunida Ispaniya ikkinchi divizioniga tushib ketdi. Bu voqea "Borussiya"ga himoyachi transferida chegirma olishiga yordam beradi.













