Дортмунднинг "Боруссия" клуби "Вальядолид"нинг ўнг қанот ҳимоячиси Иван Фреснеда трансфери бўйича музокараларда муваффақиятга эришди. Бу ҳақда инсайдер Тони Хуанмарти ижтимоий тармоқларда маълум қилди.

Дортмунднинг "Боруссия"си 18 ёшли Фреснедани анчадан бери кузатиб келмоқда ва испанияликни ҳимоянинг ўнг қанотини мустаҳкамлаш учун устувор номзод деб ҳисоблайди. Олдинроқ Иванга "Барселона" қизиқиш билдиргани хабар қилинганди, аммо "кўк-анорранглилар" ҳали трансфер бўйича аниқ қадамлар қўйгани йўқ.

Фреснеданинг “Валядолид” клуби мавсум якунида Испания иккинчи дивизионига тушиб кетди. Бу воқеа "Боруссия"га ҳимоячи трансферида чегирма олишига ёрдам беради.