Angliya terma jamoasi va "Vest Xem" yarim himoyachisi Deklan Rays "Arsenal"ning joriy transfer oynasidagi asosiy maqsadi bo‘lib qolmoqda.
The Athletic jurnalistlariga ma’lum bo‘lishicha, "kanonirlar" rahbariyati 24 yoshli ijrochining transferi bo‘yicha "bolg‘achilar"ga birinchi rasmiy taklif bilan chiqqan. Tafsilotlar hozircha oshkor etilmagan.
Futbolchi uchun bahsda "Arsenal"ning raqibi APLning amaldagi chempioni "Manchester Siti" hisoblanadi.
Avvalroq Deklanning transferi potensial xaridorga 115 million yevroga tushishi xabar qilingandi.
Rays o‘tgan mavsumda Premyer-ligada 37 ta o‘yinda maydonga tushib, 4 ta gol urdi va 2 ta golli uzatmani amalga oshirdi.