"Yuventus" "Lester"ning o‘ng qanot himoyachisi Timoti Kastanni o‘z safiga qo‘shib olmoqchi.
"Keksa sinyora" vakillari allaqachon "Lester" va futbolchining o‘ziga qo‘yiladigan talablar haqida ma’lumot so‘rashgan, deya xabar beradi insayder Fabrisio Romano Janluka di Marsioga tayanib. 27 yoshli belgiyalik futbolchining o‘zi ham transferga qiziqmoqda - u "Yuventus"da o‘ynashni xohlaydi. Turin klubi shartnoma borasidagi ishlarni davom ettirmoqda.
Transfermarkt portali Timoti Kastanning narxini 28 million yevroga baholamoqda. Uning "Lester" bilan shartnomasi 2025 yilning yoziga qadar mo‘ljallangan. O‘tgan mavsumda futbolchi “tulkilar” safida 42 ta o‘yinda maydonga tushib, 2 ta gol va 4 ta golli uzatmaga mualliflik qilgan.