"Ювентус" "Лестер"нинг ўнг қанот ҳимоячиси Тимоти Кастанни ўз сафига қўшиб олмоқчи.
"Кекса синьора" вакиллари аллақачон "Лестер" ва футболчининг ўзига қўйиладиган талаблар ҳақида маълумот сўрашган, дея хабар беради инсайдер Фабрицио Романо Жанлука ди Марциога таяниб. 27 ёшли бельгиялик футболчининг ўзи ҳам трансферга қизиқмоқда - у "Ювентус"да ўйнашни хоҳлайди. Турин клуби шартнома борасидаги ишларни давом эттирмоқда.
Transfermarkt портали Тимоти Кастаннинг нархини 28 миллион еврога баҳоламоқда. Унинг "Лестер" билан шартномаси 2025 йилнинг ёзига қадар мўлжалланган. Ўтган мавсумда футболчи “тулкилар” сафида 42 та ўйинда майдонга тушиб, 2 та гол ва 4 та голли узатмага муаллифлик қилган.
