O‘zbekiston milliy jamoasining yordamchi murabbiyi Vlado Radmanovich Tojikistonga qarshi kechgan CAFA Nation's Cup 3-tur o‘yinidan so‘ng fikrlari bilan o‘rtoqlashdi.
"O‘tgan o‘yindagi kabi 2 xil taym guvohiga aylandik. Gol o‘tkazib yuborganimizga qaramay, futbolchilarimiz o‘zlarini tiklay olishdi. Bugun g‘alabaga haqli edik. Shuningdek, bugun ko‘plab futbolchilarga o‘yin amaliyoti berishga qaror qilganimizni aytib o‘tamiz.
Katanesning ahvoli yaxshi. Biz u bilan doimo aloqadamiz. Termada fizioterapevt bo‘lib ishlaydigan uning o‘g‘li yaqinda yana termaga qaytdi. Umid qilamiz, Katanes ham tez orada safimizga qaytadi.
Eronning kuchini yaxshi bilamiz. Iroq termasida ishlab yurgan vaqtimizda Eron bilan 3 ta o‘yinda ishtirok etganmiz. Ularning nimalarga qodir ekanligini bilamiz. Finaldagi imkoniyatlar? 60 - 40 bizning foydamizga.
Finalda asosiy tarkib maydonga tushadi. U bahs biz uchun juda muhim", - dedi Radmanovich.
