Yaponiya o‘smirlar terma jamoasi bosh murabbiyi Yoshiro Moriyama U17 Osiyo kubogi 1-turi doirasida O‘zbekistonga qarshi bo‘lib o‘tgan o‘yin (1:1) borasida o‘z fikrlari bilan o‘rtoqlashdi.

"Qiyin o‘yin bo‘lishini bilardik. Chunki avval ham bu jamoa bilan o‘ynaganmiz. Birinchi bo‘lib gol urib oldik. Yana bitta gol ura olmaganimizdan keyin shunday yakunni kutish mumkin edi. O‘zbekiston haqiqatan ham kuchli jamoa. Guruh bosqichida yana ikkita o‘yinimiz bor. Yakunda esa guruh g‘olibi bo‘lishni istaymiz", — didei Moriyama.

Shuningdek, O‘zbekiston darvozasiga gol urgan Yutaka Michivaki ham o‘z fikrini bildirib o‘tdi.

"O‘yindan go‘yoki biz yutqazgandek taassurot qoldirdi. Aslida esa bir ochkoni qo‘lga kiritdik. Shuning uchun xafa bo‘lishimiz kerak emas. Havo kutilganidan issiq bo‘ldi. Shuning uchun keyingi o‘yinlar oldidan buning chorasini ko‘rish kerak. Ko‘proq suv ichgan holda, uni tanada saqlab qolish kerak bo‘ladi", — dedi Michivaki.