Jurnalist Fabrisio Romanoning xabar berishicha, "Arsenal" yozda yarim himoyachi Tomas Partini sotishni ko‘rib chiqmoqda.
London klubi 30 yoshli ganalik futbolchi bilan xayrlashishga tayyor va futbolchiga qiziqayotgan jamoalardan taklif kutmoqda.
Parti "Arsenal"da 2020 yilning oktyabridan buyon to‘p tepadi. 2022/23 yilgi mavsumda u "kanonirlar" safida 40 ta o‘yinda 3 ta gol urdi.
Transfermarkt.com portali yarim himoyachining narxini 38 million yevroga baholamoqda. Futbolchining shartnomasi 2025 yilning iyun oyi oxirigacha amal qiladi.