Журналист Фабрицио Романонинг хабар беришича, "Арсенал" ёзда ярим ҳимоячи Томас Партини сотишни кўриб чиқмоқда.
Лондон клуби 30 ёшли ганалик футболчи билан хайрлашишга тайёр ва футболчига қизиқаётган жамоалардан таклиф кутмоқда.
Парти "Арсенал"да 2020 йилнинг октябридан буён тўп тепади. 2022/23 йилги мавсумда у "канонирлар" сафида 40 та ўйинда 3 та гол урди.
Transfermarkt.com портали ярим ҳимоячининг нархини 38 миллион еврога баҳоламоқда. Футболчининг шартномаси 2025 йилнинг июнь ойи охиригача амал қилади.