"Atletiko" yarim himoyachisi Saul Niges faoliyatini "An-Nasr"da davom ettirishi mumkin, deya xabar beradi jurnalist Fabrisio Romano.

Manbaning xabariga ko‘ra, “An-Nasr” vakillari “matraschilar” bilan yaqin orada to‘laqonli transfer bo‘yicha kelishish uchun hamma ishni qilishmoqda.

28 yoshli ispaniyalik madridliklar safida 2013 yilning yozidan buyon to‘p tepmoqda. Uning klub bilan shartnomasi 2026 yilning iyunigacha amal qiladi.

2022/23 yilgi mavsumda yarim himoyachi "Atletiko" safida barcha musobaqalarda 39 ta o‘yin o‘tkazib, 3 ta gol va bitta golli uzatmaga mualliflik qilgan. Transfermarkt portaliga ko‘ra futbolchining narxi 10 million yevroga baholanmoqda.