"Атлетико" ярим ҳимоячиси Сауль Ньигес фаолиятини "Ан-Наср"да давом эттириши мумкин, дея хабар беради журналист Фабрицио Романо.
Манбанинг хабарига кўра, “Ан-Наср” вакиллари “матрасчилар” билан яқин орада тўлақонли трансфер бўйича келишиш учун ҳамма ишни қилишмоқда.
28 ёшли испаниялик мадридликлар сафида 2013 йилнинг ёзидан буён тўп тепмоқда. Унинг клуб билан шартномаси 2026 йилнинг июнигача амал қилади.
2022/23 йилги мавсумда ярим ҳимоячи "Атлетико" сафида барча мусобақаларда 39 та ўйин ўтказиб, 3 та гол ва битта голли узатмага муаллифлик қилган. Transfermarkt порталига кўра футболчининг нархи 10 миллион еврога баҳоланмоқда.
